చిత్రం: గోరింటాకు (1979)

నటీనటులు : శోభన్ బాబు , సుజాత

సాహిత్యం:వేటూరి సుందర రామమూర్తి

గానం : ఎస్ పి బాలు ,సుశీల

సంగీతం : కె వి మహదేవన్

కొమ్మ కొమ్మకో  సన్నాయి కోటి రాగాలు ఉన్నాయి

ఏమిటి మౌనం ఎందుకీ ధ్యానం

ఏమిటి మౌనం ఎందుకీ ధ్యానం

కొమ్మ కొమ్మకో  సన్నాయి కోటి రాగాలు ఉన్నాయి

మనసులో ధ్యానం మాటలో మౌనం

మనసులో ధ్యానం మాటలో మౌనం

చరణం -1:

మనసు  మాటకందని నాడు మధురమైన పాటవుతుంది

మధురమైన వేదనలోనే పాటకు పల్లవి పుడుతుంది

మనసు  మాటకందని నాడు మధురమైన పాటవుతుంది

మధురమైన వేదనలోనే పాటకు పల్లవి పుడుతుంది

పల్లవించు పడచుదనం పరుచుకున్న మమతను చూడు

పల్లవించు పడచుదనం పరుచుకున్న మమతను చూడు

పసితనాల తొలి వేకువలో ముసురుకున్న మబ్బును చూడు

అందుకే ధ్యానం అందుకే మౌనం

కొమ్మ కొమ్మకో  సన్నాయి

చరణం-2:

కొంటె వయసు కోరికలాగా గోదారి ఉరుకులు చూడు

ఉరకలేక ఊగిసలాడే పడవకున్న బంధం చూడు

కొంటె వయసు కోరికలాగా గోదారి ఉరుకులు చూడు

ఉరకలేక ఊగిసలాడే పడవకున్న బంధం చూడు

ఒడ్డుతోనో నీటితోనో  పడవ ముడి పడి   ఉండాలి

ఒడ్డుతోనో నీటితోనో పడవ ముడి పడి   ఉండాలి

ఎప్పుడే ముడి ఎవరితో పడి  పడవ పయనం సాగునో మరి

అందుకే ధ్యానం అందుకే మౌనం

కొమ్మ కొమ్మకో  సన్నాయి కోటి రాగాలు ఉన్నాయి

ఏమిటి మౌనం ఎందుకీ ధ్యానం

మనసులో ధ్యానం మాటలో మౌనం

 

చిత్రం : శంకరాభరణం(1979)

నటీనటులు : శంకర శాస్త్రీ , మంజు భార్గవి

సాహిత్యం : వేటూరి సుందర రామ మూర్తి

గానం : ఎస్. పి . బాలసుబ్రహ్మణ్యం

సంగీతం : కె. వి . మహదేవన్

శంకరా… నాద శరీరా పరా …. శంకరా… నాద శరీరా పరా ….

వేద విహారా హరా  …. జీవేశ్వరా

శంకరా… నాద శరీరా పరా ….

వేద విహారా హరా  …. జీవేశ్వరా

శంకరా ….

ప్రాణము నీవని గానము నీదని … ప్రాణమే గానమని

మౌన విచక్షణ ధ్యాన  విలక్షణ … రాగామే యోగమని

ప్రాణము నీవని గానము నీదని … ప్రాణమే గానమని

మౌన విచక్షణ ధ్యాన  విలక్షణ … రాగామే యోగమని

నాదోపాసన చేసిన వాడను నీ వాడను నేనైతే

నాదోపాసన చేసిన వాడను నీ వాడను నేనైతే

ధిక్కరీంద్రజిత హిమగిరీంద్రశిత కంధరా నీలగంధరా

క్షుద్రులెరుగని రుద్రవీణ  నిన్నిద్ర గానమిది అవతరించరా విని తరించరా

శంకరా… నాద శరీరా పరా ….

వేద విహారా హరా  …. జీవేశ్వరా

శంకరా ….

మెరిసే మెరుపులు మురిసే పెదవుల చిరు చిరు నవ్వులు కాబోలు

ఉరిమే ఉరుములు సరి సరి నటనల సిరి సిరి మువ్వలు కాబోలు

మెరిసే మెరుపులు మురిసే పెదవుల చిరు చిరు నవ్వులు కాబోలు

ఉరిమే ఉరుములు సరి సరి నటనల సిరి సిరి మువ్వలు కాబోలు

పరవసాన శిరసూగంగా ధరకు జారెనా శివ గంగా

పరవసాన శిరసూగంగా ధరకు జారెనా శివ గంగా

నా గాన లహరి నువ్వు మునగంగా ఆనంద వృష్టినే తడవంగా ….

శంకరా… నాద శరీరా పరా ….

వేద విహారా హరా  …. జీవేశ్వరా

శంకరా …. శంకరా … శంకరా … !!!

చిత్రం : అడవి రాముడు (1977 )
నటీనటులు : ఎన్టీఆర్ , జయసుధ జయప్రద 
సాహిత్యం : వేటూరి సుందర రామమూర్తి 
గానం : ఎస్ పి బాలు 
సంగీతం : కె వి మహదేవన్ 

 మనిషై పుట్టినవాడు కారాదు మట్టిబొమ్మ
 పట్టుదలే ఉంటే కాగలడు మరోబ్రహ్మ
 కృషి ఉంటే మనుషులు ఋషులౌతారుమహాపురుషులౌతారు
 తరతరాలకి తరగని వెలుగౌతారు ఇలవేలుపులౌతారు

 చరణం : 1
 అడుగో అతడే వాల్మీకి బ్రతుకు వేట అతనికి
 అతిభయంకరుడు యమకింకరుడు అడవి జంతులపాలిటి
 అడుగో అతడే వాల్మీకి..
 పాలపిట్టల జంట వలపు తేనెల పంట
 పండించుకుని పరవశించి పోయేవేళ
 ఆ పక్షుల జంటకు గురిపెట్టాడు
 ఒక పక్షిని నేల కూల్చాడు
 జంట బాసిన పక్షి కంట పొంగిన గంగ
 తన కంటిలో పొంగ మనసు కరగంగ
 ఆ శోకంలో ఒక శ్లోకo పలికే ఆ చీకటి ఎదలో దీపం వెలిగే
 కరకు బోయడే అంతరించగా కవిగా ఆతడు అవతరించగా
 మనిషి అతనిలో మేల్కొన్నాడు కడకు మహర్షే అయినాడు
 నవరసభరితం రాముని చరితం జగతికి ఆతడు పంచిన అమృతం
 ఆ వాల్మీకి మీవాడు మీలోనే ఉన్నాడు
 అక్షరమై మీ మనసు వెలిగితే మీలోనే ఉంటాడు
 అందుకే...
 కృషి ఉంటే మనుషులు ఋషులౌతారు మహాపురుషులౌతారు
 తరతరాలకి తరగని వెలుగౌతారు ఇలవేలుపులౌతారు

 చరణం : 2
 ఏకలవ్యుడంటేనే ఎదురులేని బాణం
 తిరుగులేని దీక్షకీ అతడే ప్రాణం
 కులం తక్కువ ని విద్యనేర్పని గురువు బొమ్మగా మిగిలాడు
 బొమ్మ గురువుగా చేసుకొని బాణ విద్యలో పెరిగాడు
 హుటాహుటిని ద్రోణుడపుడు తటాలుమని తరలివచ్చి
 పక్షపాత బుద్ధితో దక్షిణ ఇమ్మన్నాడు
 ఎదుట నిలిచిన గురుని పదమంటి
 ఏమివ్వగలవాడననే ఏకలవ్యుడు
 బొటనవ్రేలివ్వమనె కపటి ఆ ద్రోణుడు
 వల్లెయనె శిష్యుడు చెల్లె ద్రోణుని ముడుపు
 ఎరుకలవాడు అయితేనేమి గురికల వాడే మొనగాడు
 వేలునిచ్చి తన విల్లును విడిచి
 వేలుపుగా ఇల వెలిగాడు
 అందుకే...
 కృషి ఉంటే మనుషులు ఋషులౌతారు మహాపురుషులౌతారు
 తరతరాలకి తరగని వెలుగౌతారు ఇలవేలుపులౌతారు

 చరణం : 3
 శబరీ... ఇంతకాలము వేచినది ఈ పిలుపుకే శబరి
 ఆశ కరువిడి అడుగు తడబడి రామపాదము కన్నది
 వంగిపోయిన నడుముతో నగుమోము చూడగలేక అపుడు
 కనుల నీరిడి ఆ రామపాదము కడిగినది శబరి
 పదముల ఒరిగినది శబరి
 ప్రేమ మీరగ రాముడప్పుడు శబరి తల్లి కనులు తుడిచి
 కోరికోరి శబరి కొరికిన దోర పండ్లను ఆరగించె
 ఆమె ఎంగిలి గంగ కన్న మిన్నగ భావించిన
 రఘురాముడెంతటి ధన్యుడో
 ఆ శబరిదెంతటి పుణ్యమో
 ఆమె ఎవ్వరో కాదు సుమా ఆడబడుచు మీ జాతికి
 జాతిరత్నములు ఎందరెందరో మీలో కలరీ నాటికీ
 అడివిని పుట్టి పెరిగిన కథలే అఖిల భారతికి హారతులు
 నాగరికతలో సాగు చరితలో మీరే మాకు సారథులు
 అందుకే...
 కృషి ఉంటే మనుషులు ఋషులౌతారు మహాపురుషులౌతారు
 తరతరాలకి తరగని వెలుగౌతారు ఇలవేలుపులౌతారు